Search
  • Urooj

Mahilayein aur Rajneeti

Constitution ke 73rd aur 74th amendment, article (243D) ke hisaab se mahilaon ke lie aarakshit seeton kee kul sankhya ka ek-tihaee (1/3) hai. SC aur ST ke lie aarakshit seeton ka ek-tihaee (1/3) bhee mahilaon ke lie aarakshit hai. sabhee levels par adhyakshon ke ek tihaee kaaryaalay mahilaon ke lie aarakshit hain. Maharashtra government ne shaharon ki sarkaron me mahilaon ko 50% reservation diya hai.  (https://www.pbrdp.gov.in/documents/6205745/98348119/Panchayati%20Raj%20System%20in%20Independent%20India.pdf )

Aaj tak humne mumbra ke nagarsevak ke baare mein toh suna hi hoga par hum kitne nagarasevikao ko jaante hai, Kya hame pata bhi hai ke mumbra mein kitne nagarsevika hai aur unka kaunsa ward hai. Mumbra mein agar hum dekhe toh kul mila ke 19 seats hai corporators ki jisme se 12 seats par mahilaye hai. Hum sabhi yeh jaanna chahenge ke mahilaon ka kya anubhav raha hai rajneeti mein. Toh hum sabse pehle baat karenge ashrin raut ki jo bohot hi mashoor rahi hai unke kaam aur unki soch ko lekar.

Ashrin Raut, Jinhe 13 saal ka anubhav hai nagarsevika ka. Inka ward number 32 hai, aur yeh NCP party se hai.

Q. Kya aapke family mein koi politics mein hai, Aapko politics mein kab interest aaya?

Ans. Nahi, family mein koi politics mein nahi hai. ye ek ittefaq tha ke sab ne mujhe chuna. jab hamare yaha ladies open vote hua to gaon walo ne or mere rishtedaro ne mujhe select kiya kyu ke unhe laga mein padhi likhi or sabki help karti hu to politics mein aake unke liye ache kaam kar sakti hu. mein hamesha sabki help karti ju isliye log mujhe apne family member ki tarha mante hai. yaha har dharm ke log mil jul kar rehte hai. mein gaon walo ki marzi se aaj yaha hu.

Q. Kya aapne kabhi socha tha ki aap corporator banoge?

Ans. Mujhe kabhi politics pasand nahi tha. Mujhe rajneeti, ek alag mudda lagta tha. lekin abhi lagta hai ki hum jaise logo ko politics mein hona chahiye. Rajneeti buri nahi hai bas kuch logo ki wajah se badnaam hai aur agar local public ka support milta hai to neta bahut kuch kar sakta hai. Kisi ko blame karne se acha hai ki hum ek saath mil kar kaam kare.

Q. Aapko ticket kaise mili? Ans. Open ladies vote tha, mujhe samajwadi party ne saamne se offer diya tha. aabadi badhne se ward badhta hai isliye kisi na kisi ko kausa se corporator banna tha to gaon walo ne mera naam suggest kiya.

Q. Aapko kaun support karta hai, family se and aapki party se?

Ans. meri family, relatives or gaon ka kaafi support mila. 2007 mein mai nagarsevika bani humlogo ko party level ki jarurat rehti hai, mein samajwadi se thi. Jab mein mahanagar palika me gayi to waha ke adhikariyo ka support mila aage badh kar jab voting hui to tab mujhe jitendra awhad sir or ruta awhad ka kaafi  political support mila. Samajwadi party me hame aisa tha jaise ki koi laawaris bacche ko paida karke chodh de.  Jab hum NCP mein aaye to aamdar ka bohot support mila. Unke support ke wajah se aap dekh sakte hai mumbra ki kaafi tarakki hui hai. mera politics me aane ka matlab paisa kamana nhi tha, hamare logo ka kaam karna tha. Hamara mumbra saaf rahe, accha bane, aap dekh sakte hai jab se humlog corporator bane mumbra mein Stadium hai, khule road hai, school hai is tarike se mumbra me bahut saari cheeze aayi aur aa rahi hai. 2006 se pehle mera ward number 100 tha kausa fir 62 ho gaya. panel banne ke baad mein mumbra  prabhag samiti ki adhyaksh hu. abhi mera ward 32 hai. 

Q. As a female corporator aap ki kya journey rahi hai? Aap apnne aise kis kaam par fakhr karte hai jisse nagrikon ka bhala hua hai?

Ans. Problem kaafi hui, aurto ko kaam karte dekh kar log pareshan karte hi hai to wo mushkilein to aai hi lekin awhad sir or ruta awhad ne bohot sath diya. Inhone ne mujhe bohot guide kiya aur support kiya jis wajah se mein itna aage tak aayi. shuru mein kaam ke liye bahar nikalna ho to problem aati thi lekin us waqt bhi mere husband ne support kiya. kaam ke silsile mein ache adhikari bhi mile or gol gol ghumane wake bhi to kaafi utaar chadhao dekha hai. 2007 me jab mein nagarsavika bani to aurto ke kaam karne ko achi nazar se nahi dekha jaata tha lekin mein apna kaam mazbooti se karti rahi.log samajhte hai agar koi mahila nagarsevika bani to bhi uska kaam uska husband karega lekin yaha aisa nahi hua mene khud sab kaam kiye our maine apne jaise kai logo ko kaam karne ka mauka diya.un aurto ne kaafi kaam bhi kiye jaise ki bachatgadh bana na or hamse kaafi aurte jud gaii. Fir mahapalika ki jo schemes aati hai unko humne logo tak pohochaaya. Woh schemes mein bhi yojnaaye kam thi, kuch budget aakar bekaar chala jaata tha. funds lapse hota tha toh uske liye bhi apply kiya. Hospital, stadium ki jagah, post office ke paas kuch jagah istemaal mein nahi thi uske liye bhi humne demand kiya. Hamare yaha ek hi TMC school thi aur bacche bohot saare the. Maahiti ke adhikaar waale sirf dusre hi sawaal karte the lekin kabhi unhone in cheezo par dhyaan nahi diya. Jab se mein nagarsevika bani hu mera role yeh sab cheezo mein bohot raha hai. awhad sir ki madat se bade bade kaam hue hai. Jaise ki fire brigade ki jo badi badi gaadiya hoti hai woh gali gali mein nahi ja sakti toh ab hamare paas bike aayi hai fire brigade ki jo har gali mein jaa sake. Us ke liye bhi mene hi demand kiya hai.

Q. Aapko kya difficulties aayi hai?

Ans. Opposite parties se mujhe bohot pareshaani hoti hai. Jitna mein achha kaam karti hu utna woh pareshan karte hai. Jaise ki mein jo bhi kaam karu usme maahiti ke adhikaar daalna, Kaam ko rokna. Sabse badi pareshani sainik nagar ke paani ke line pe aayi thi uspar logo ne oppose kiya ke budget paas nahi hua. Paani ki pareshaani unko kayi saalo se thi. Waise to tippni banayi jaati hai jisepe hum commissioner ki manzuri pe kaam karte hai. Tender nikala nahi tha iske liye opposite parties ne bohot pareshan kiye the. Usk baad kisi ne mujhepar illegal baandkaam ka aarop kiya, court kacheri ladhi, jaise ki ghar ke saamne mene gallery banayi jo ghar mera hai hi nahi uspe se bhi aarop hua.Nagarsevak baandkaam nahi karta hai woh sirf suchna kar sakta hai. Kaarwayi karne ka adhikar adhikariyo ko hota hai toh adhikari pe karwaayi karna chahiye.

Q. Agar kisi woman ko corporator banna ho to wo kaise ban sakti hai?

Ans. Corporator banna in haalat mein itna easy bhi nahi hai. Agar tum samajseva karna chahte ho toh tum khud hi karte raho kabhi na kabhi tumko mauka milega hi. Kyu ki area badhta hai toh mauka bhi milta hai. Lekin agar tum kisi ko gira ke upar aana chahte ho toh mumkin nahi hota. Sabko saath mein lekar chalna chahiye.

Ab hum jaanenge hafiza naik ke baare mein jo ke standing committee ki member hai aur kaafi shikshit hai.

Hafiza Nasruddin Naik, Jinhe lagbhag 13 saal ka anubhav hai nagarsevika ka. Inka ward number 30B hai aur yeh NCP party se hai.

Q. Kya aapke family mein koi politics mein hai, Aapko politics mein kab interest aaya?

Ans. Nahi, meri family mein se koi politics mein nahi hai. Mere husband ko interest tha politics mein woh 2 baar election mein khade bhi hue par haar gaye. Fir jab ladies seat aayi toh unhone mujhe khada kiya. Mujhe politics mein interest pehle se tha. Mein graduate hu politics and economics mein.

Q. Kya aapne kabhi socha tha ki aap corporator banoge?

Ans. Nahi aise kabhi socha nahi tha ke mein corporator banungi.

Q. Aapko ticket kaise mili?

Ans. Pehli baar to husband ko jante the toh amajwadi party se mil gai lekin mein or mere kuch corporator doston ne samajwadi se resign kiya or ham Dr. Jitendra Awhad sir se mile ke hamein ye NCP join karna hai to unho ne welcome kiya, kyu ke unke sath tallukat ache the. Jab wo MLA ke liye khade horahe the toh mere husband ne unhe kaafi support kiya tha. Isliye hamne NCP ko join karne ka decision liya. Ham samajwadi mein the toh bhi sahab se connection ache the. Toh jab election kareeb aaye to hamne socha ke ham NCP se khade honge or Awhad sahab ne agree kiya or hame ticket diya.

Q. Aapko kaun support karta hai, family se and aapki party se?

Ans. Mere husband bohot support karte hai. Unho ne 20 saal ka kaam 3.6 years mein kiya hai aur party se bhi bohot support raha hai.

Q. As a female corporator aap ki kya journey rahi hai? Aap apnne aise kis kaam par fakhr karte hai jisse nagrikon ka bhala hua hai?

Ans. Kaafi time ghar mein hi thi to pehle bohot ajeeb lagta tha bahar jaana. Lekin mere husband ne kaafi support kiya. Mein achi speaker thi college mein lekin itne saal baad wo dab gaya tha or use nikalna kaafi muskil tha. shuru mein thodi mushkilein aayi. Public ne thoda discourage kiya lekin mere andar kaam karne ki himmat thi to mene jaari rakha. Aage badhte badhte duniya maalum padi. Jab mere husband the toh mein sirf office mein complaints lene ka kaam karti thi or budget laane se leke safai, political logo se milna julna sab mere husband karte the. Unki death ki baad bohot mushkilein aayi thi. Khud budget laana logo se milna, active rahne sabke masle jaanke hal nikalna ye sab bohot mushkil hogaya tha lekin baad mein sab samajh mein aata gaya. Kuch log mentally physically takleef bhi dete the ke ham imbalance ho, lekin hamara determination bohot strong tha isliye jo wo chahte the wo nahi hua. Or hamesha Awhad saheb ka support raha. Mumbra mein Light or Paani, ab roads ban gaye hai. Light jaana band hogaya hai pehle ke muqable mein, paani ka aaram hogaya hai. Ab mumbra mein stadium hai, transformers hai, municipal schools hai, ache colleges hai kaafi gym hai jo pahle kuch nahi tha. Life abhi kaafi easy hogayi hai yaha. Hamara public relation bohot acha hai. Agar kisi garib ki shadi ho to ham kapde, khane ki help karte hai, dowry ke liye pareshan karne ka case ho to hum police station mein bhi help karte hai, hamne free medical camps (health check up, heart related, eye check up, polio check ups) rakhte hai office mein.

Q. Aapko kya difficulties aayi hai?

A. Akele ladies ko kaam karte dekh kar competitors kaafi badh gaye the toh hamare kiye hue kaam par kuch logo ne apna kaam bataya. Lekin ye sab common hai politics mein to koi khas problem nahi aayi. Opposition parties hone nahi hone ke barabar hai. Sirf elections ke time par oppositions problem create karte hai. Or kabhi kisi officers se bhi koi dikkat nahi hui. TMC mein mere husband ke acchi jaan pehchan thi toh waha bhi koi mushkil nahi aayi.

Q. Agar kisi woman ko corporator banna ho to wo kaise ban sakti hai?

A. Hardwork, dedication to work, ambitious, you need to be active, you need to be a good speaker and a hard worker and smart.

Q. Koi bhi 2 positive lines jo aap apne nagriko ke liye bolna chahte hai?

A. ladkiyo ko civics padhna bht zaruri hai. Usse hame pata chalta hai ke politics men kitni facility hai or kitna power hai.

Ab hum jaanenge Farzana Shaikh ke baare mein: Farzana Shaikh, Jinhe 2.5 years ka anubhav hai nagarsevika ka. Inka ward number 32A hai aur yeh NCP party se hai.

Q. Kya aapke family mein koi politics mein hai, Aapko politics mein kab interest aaya?

Ans. Mere husband hai, last 7 year se social work me hai. woh social work me the isliye unhone ticket liya. Mere husband the toh unki wajah se mujhe interest aaya. Unke saath mai bhi ye kaam me active hui. woh agar 60% kaam karte hai toh mein 40% karti hu.

Q. Kya aapne kabhi socha tha ki aap corporator banoge?

Ans. Nahi, but mein pehle bhi alag alag kaam kar chuki hu. mujhe koi na koi kaam karte rahna acha lagta hai. Isliye mujhe interest aagaya politics mein. Mujhe pehle se aadat thi kaam karne ki.

Q. Aapko ticket kaise mili?

Ans. OBC hone ki wajah se mujhe ticket mili.

Q. Aapko kaun support karta hai, family se and aapki party se?

Ans. Mujhe mere saare family members support karte hai, unki wajah se mein ghar se bahar nikal paatin hu aur logo ke liye kaam kar paati hu. Party se bhi shanu bhai ka zyada support raha hai. Har time har kaam mein woh hame saath lekar chalte hai.

Q. As a female corporator aap ki kya journey rahi hai? Aap apnne aise kis kaam par fakhr karte hai jisse nagrikon ka bhala hua hai?

Ans. Journey dekha jaaye to bahot saara knowledge mila, kis tareeke se kaam karna chahiye. Politics me aane ke baad mujhe pata chala ki agar hamare pass power hai to hum bahot acche se logo ki help kar sakte hai. Jaise ki TMC ka kuch kaam ho ya samiti ka to hamare pass post hoti hai ager, to hum ache se kar sakte hai kaam. agar ek normal insaan hota hai to usse jaldi nahi hota, usse bohot chakkar maarne padta hai, agar wahi insan hamare paas aata hai to hum unka reference bante hai to vahi kaam jaldi ho jaata hai. Daily diamond hall ke paas 300 se 500 patient aate hai TB ke. Waha par kuch facilities nahi hai aur TMC ka hospital bhi nahi tha. Abhi shanu pathan ne ek hospital banaya hai shivaji maidan ke paas. Waha un patients ke liye bohot si facility hai specially TB ke patient ke liye hi banaya hua hai, Jiski opening ho chuki hai start bohot jald hone waala hai.

Q. Aapko kya difficulties aayi hai?

Ans. Kaam ki wajah se baccho par dhyan nahi de paati hu isiliye bohot problem hoti hai ghar mein. Baaki kahi se koi problem nahi hoti.

Q. Agar kisi woman ko corporator banna ho to wo kaise ban sakti hai?

Ans. Independent hona chahiye aur usme confident hona chahiye. Agar aapko lagta hai ke aap kaam kar sakte ho aur public aapko support karegi toh hi aap khade ho election mein nahi toh waste of money hai.

Q. Kya paise lagte hai corporator banne mein?

Ans. Haan thoda bohot toh administrative charges rehta hi hai.Women are the majority of the population, But a minority in politics” – Kellyanne Conway. Jaise ke hum sab samajhte hai ke aurton ka rajneeti mein hissedaari bohot hi kam raha hai lekin badalte mahol ke saath aurtein aahista aahista rajneeti mein aarahi hai. Ab who hame ward ki zimmedaariya lete hue who ek zimmedaar corporator nazar aarahi hai.  73rd and 74th amendment ki wajah se aurton ko reservation mila hai taa-ki unse jude hue mudde piche nahi reh jaaye. Fir woh koi bhi caste ya class ya religion ke ho. Kaafi koshisho baad bhi mein kayi saari female corporators se nahi mil saki kyuki unke yaha seat toh aurat ki hai par asli rajneeti karte hai unke ghar ke mard fir woh unka beta ho ya ho unka husband.  Jab hum barabari ki baat karte hai toh aurton ki raajnaitik haq ke bare mein baat karna bhi zaruri hai. Jaise hafiza ji ne kaha ki har kisi ko padhna chahiye khaas taur pr civics. “hamara desh jisse chalta hai ussi ki book sabse patli hoti hai” Humne school mein bhi civics padha hai, par marks paane ke liye, par hamari zindagi mein yeh subject bohot hi zaroori hai jo ki hame hamara haq aur zimmedaari samjhaati hai. Ek accha naagrik banne ke liye hame yeh jaan-na bohot zaruri hai. Ek accha nagrik hi ek accha leader bana sakta hai. Isiliye bhi hame zaruri hai ke hum apne system ko samjhte hue ek accha nagrik bane.



Salma Ansari


Mein Salma Ansari, parcham tanzeem se shuru se judi hoon. Parcham ki har sargarmi mein shamil rahi hoon. Mein BMS Graduate hoon. Urooj ne mujhe mauka diya hai ke mein apne khayalat ko tahreeri room mein zahir kar sakoon.

0 views