Search
  • Urooj

HUM BHARAT KE NAGRIK KYA KAR SAKTE HAIN!!

-SALMA ANSARI

Aaj hum Bharat ke nagrik ki baat kar rahe hai, matlab hum hamari baat kar rahe hain. Sahi padha aapne aapki aur meri baat ho rahi hai, kyu ki hum hain bharat ke nagrik!! Ek bharat ka nagrik kya kar sakta hai ? Ya aise bol sakte hai, ek bharat ka nagrik kya kar sakta hai! Bohot farq hai, alfaaz wahi hai par ek question mark ya ek exclamation mark ki wajah se matlab hi badal jaata hai.

Ek Soch Ki Taaqat:

Ab bataiye yeh padhne se pehle aapne kya kya socha hoga. Rozmarra ki zindagi mein jo hamare saath hota hai, kya hum uske ilaawa kuch sochte hain? Ek soch ki kya taqat hoti hai, chaliye dekhte hain. Aaj se 172 years pehle, 1848 me girls k liye ek school start hui thi. Socho us soch ki taqat jiski wajah se girls ko mauka mila padne ka.

“YOU EDUCATE A MAN, YOU EDUCATE A MAN;YOU EDUCATE A WOMAN, YOU EDUCATE A GENERATION”-BRIGHAM YOUNG

Socha toh savitri bai aur fatima bi ne bhi tha, par wo safal ho paaye kyuki hausla rakha unhone. Hum bhi soch sakte hain, par hausla rakhna bohot zaruri hai, tab hi hum kamyaab ho payenge. Hum sochte hain ki hum kya kar sakte hain, kuch nahi hoga. Par savitri bai aur fatima bi bhi bharat ke nagrik the aur aap bhi bharat ke nagrik ho! Ab sochiye aapne kya kya kiya hai aaj ke logo ke liye, ya aane waali peedhi ke liye. “Agar WOH kar sakte hai toh HUM bhi kar sakte hai”, kab hoga sochne ka silsila shuru.

Ab karte hai dimaag ki baat. Insaano ke paas dimag hota hai, par hum kitna istemaal karte hai uss dimaag ka. Dimag toh unke paas bhi hai jinko aapne chuna aur aapke paas bhi hai. Sochiye kya farq hoga? Jo bhi hota hai hum sab ke liye hota hai toh aakhir hum kyu chup rehte hai? Hum vote toh dete hain, uske baad sawaal kyu nahi puchte? Kya aap sochte hai kuch vote karne se pehle? Vote karne se pehle kya kya sochna chahiye, ki jinhe hum vote karne waale hain, kya likha hai unke manifesto mein? Kya vichaardhaara hai us party ki, us insaan ki. Ya hum yun hi vote karte hai kyuki 18 years ke upar hai, ya dost ne boldiya ki isse vote karna hai.

Soch samajhkar apni raay rakhne ka haq sabko hai!! Yeh buniyadi haq toh hum bhul hi jaate hai. Samvidhan ne meri soch par, mazhab par pabandi nahi lagai hai. Par yehi soch ke chalte kisi ko apni vichaardhaar mein aane ke liye majboor kardena is par pabandi hai. Dharm ko chunna ya na chunna yeh har ek ka adhikaar hai. Aur hum sab zimmedaar hain, fir woh khud ki baat ho, samaaj ki baat ho, ya baat ho desh ki.

Kahi Ansunsi Baate!!

Hum sabhi aapas mein baat karte hai aur sabhi kahi na kahi ek vichaardhaara ko maante hai. Yeh kaha suni ka jo chakkar hai hume bhaari padh jaata hai. Hum sabhi aaj k rajnitik mahol ko jaante hain aur ye bhi jaante hain ke koi bhi mudde par har shakhs alag tarz ki soch rakhta hai. Jaise NRC/NPR/CAA ke baare me bhi ek tabqa hai jo sochta hai hona chahiye aur ek sochta hai nhi hona chahiye, Isiliye hum ek bhi hain aur alag bhi. Par sach bataiye kya aapne kabhi CAA/NRC ko padha hai? Hume kisi ne keh diya aur humne maan liya. Yeh baat acchi hai ke hume ek dusre par bharosa hona chahiye. Par hume ek informed citizen bhi banna chahiye. Yeh un sab ke liye hai jo support karte hain, ya nahi karte hain. Hamari raay hum padhne ke baad hi banaye, Ke agar humse koi puche ki aisa kyu toh hum unhe bata sake aur yeh tab hi hoga jab hum use padhe. Sirf yeh sochna ke mujh akele se kya hoga, toh kuch nahi ho paayega. Ek bharat ka nagrik means hum, bohot kuch kar sakenge agar hum soche, sawaal kare aur zimmedaari le khud ki aur samaaj ki.

0 views