Search
  • Urooj

HUM AUR WOH

POEM BY SAYED AQUIB KAMAL

Hum ko hum, hum hi ne banaya, Hasad o nafrat ka beej humne khud hai lagaya, Auro se alag hamesha khud ko hai paaya, Khud un se duri humne hai banaya.

Bachpan se humko sb ne hai sikhaya, Jo hamara hai use dusro se chupaya, Khilaune bhi apne nah bante kisi se, Phir bhi kusurwar humne unhe hi thehraya.

Humne khud ko hai banta har mod par, Kabhi dharam k naam par, kabhi rupiyon k adhar par, Har lamhe, har pal kusurwar hukumat ko paya, Ye kaese bhul baithe, ye hukumat humne hi hai banaya.

Wo hum se bure Hain, ye hum ne andaza hai lagaya, Hum mard o auraton ne kinnaroon ko door bhagaya, Nah unki khata hai, nah unka koi dosh hai, Har mod par humne unki shanakht pe sawal hai uthaya, jinhe kudrat ne aesa hai banaya.

Aamir o garib ki paribhasha humne hai banaya, Aamiro ko aur aamir, garibo ko bs hai giraya, Privatization k naam pe amiro ne apna Karobaar hai badhaya, Pure desh ka Paisa un k khiso mein hai aaya.

Ahinsa ka path humne auro ko hai pdhaya, lekin dango mein apne desh ka naam mitti mein milaya. Tali ek hath se to bajti nhi, Har dafa dusra hath humne hai badhaya,

Kuch logo ki buri harkaton se hum ne, Har kisi ko “woh” aur bas woh” hi hai banaya.

0 views